過去台語定定予人誤解是濟歲人才有咧講，現此時毋但少年人有咧講台語，而且有愈來愈濟人毋過有心講台語、學台語，閣會透過現代人時行的方式共學台語的鋩角，或者是生活中的大大細細事物的台語詞，推捒到可能的收眾面頭前，這款做法的成果閣不止仔有效。佇社群平台Instagram面頂透過Reels(短影音)功能來講台語、湠台語的「阿銘講台語」就是其中之一。 「阿銘講台語」才推出無偌久，21支Reels就吸引4萬外人追蹤，有的影片甚至有百外萬遍的收看，伊到底是按怎做的？敢有啥物鋩角通好想欲經營社群口座的人通好學起來的咧？毋過落勾這集節目！